پاکستان اور افغان طالبان کے درمیان جنگ بندی برقرار رکھنے کے لیے اہم پیش رفت ہوئی ہے۔
ترکیہ اور قطر کی ثالثی میں دونوں ممالک کے نمائندوں نے استنبول میں متعدد اجلاس منعقد کیے ہیں، جن کا مقصد جنگ بندی کو مضبوط بنانا ہے، جو کہ 18 اور 19 اکتوبر 2025 کو دوحہ میں طے پائی تھی۔اعلامیے کے مطابق، تمام فریقین نے جنگ بندی کے تسلسل پر اتفاق کیا ہے اور اس کے عملدرآمد کے لیے مزید طریقہ کار پر غور و خوض جاری رکھنے کا فیصلہ کیا گیا ہے۔ یہ معاملہ 6 نومبر 2025 کو استنبول میں ایک اعلیٰ سطح کے اجلاس میں حتمی شکل دی جائے گی۔
اس کے علاوہ، ایک مانیٹرنگ اور تصدیقی نظام قائم کیا جائے گا تاکہ امن کے قیام کو یقینی بنایا جا سکے اور معاہدے کی خلاف ورزی کرنے والے فریق کو سزا دی جائے گی۔ ثالثوں کے طور پر ترکیہ اور قطر نے فریقین کی فعال شرکت پر اطمینان کا اظہار کیا ہے اور پائیدار امن و استحکام کے لیے تعاون جاری رکھنے کے عزم کا اعادہ کیا ہے۔
