امریکی صدر ڈونلڈ ٹرمپ نے حال ہی میں فرانس کے صدر ایما نیول میکرون کے غیر ملکی دورے کے دوران پیش آنے والے ایک دلچسپ واقعے پر تبصرہ کیا ہے، جس میں میکرون کو ان کی اہلیہ نے ایک غیر ارادی تھپڑ مارا تھا۔
یہ واقعہ ویتنام میں میکرون کے طیارے کے دروازے کے اچانک کھلنے کے باعث پیش آیا، جس کی وجہ سے خاتون اول کا ہاتھ میکرون کے منہ پر جا لگا۔ٹرمپ نے اس واقعے پر ہنستے ہوئے میکرون کو مشورہ دیا کہ اس بات کو یقینی بنائیں کہ دروازہ بند رہے تاکہ اس طرح کی صورتحال دوبارہ پیش نہ آئے۔ انہوں نے کہا کہ فرانسیسی صدر اور ان کی اہلیہ دونوں بالکل ٹھیک ہیں اور وہ دونوں واقعی بہت اچھے لوگ ہیں۔یہ واقعہ سوشل میڈیا پر تیزی سے وائرل ہو گیا، جہاں لوگوں نے اسے مزاحیہ انداز میں دیکھا اور مختلف تبصرے کیے۔
میکرون نے بھی کیمروں کی جانب ہاتھ ہلاتے ہوئے اس لمحے کو قبول کیا اور صورتحال کو ہلکے پھلکے انداز میں سنبھالا۔ٹرمپ کے اس ردعمل سے ظاہر ہوتا ہے کہ وہ صورتحال کو مزاحیہ پہلو سے دیکھ رہے ہیں اور اپنے ہم منصب کے لیے خیرسگالی کا اظہار کر رہے ہیں، جبکہ میڈیا اور عوام میں یہ واقعہ کافی چرچا کا باعث بنا ہوا ہے۔
