غیر قانونی سگریٹ فیکٹری پر چھاپہ، کروڑوں کا سامان ضبط،فیکٹری سیل

 تمباکو کی غیر قانونی تجارت اور ٹیکس چوری کے خلاف کارروائیاں مزید جاری رکھی جائیں گی:حکام 
کراچی(آئی این پی ) آر ٹی او ٹو کراچی نے خفیہ اطلاع پر غیر قانونی سگریٹ فیکٹری پر بڑا چھاپہ مار کر کروڑوں روپے مالیت کی سگریٹ سازی کی مشینری، خام مال اور تیار سگریٹ ضبط کرلئے ۔آر ٹی او حکام کے مطابق کارروائی کے دوران غیر قانونی سگریٹ فیکٹری کو سیل کردیا گیا جبکہ ملوث ملزمان کے خلاف اسپیشل جج کسٹمز و ٹیکسیشن کی عدالت میں ایف آئی آر بھی درج کرلی گئی ہے۔حکام کا کہنا ہے کہ تمباکو کی غیر قانونی تجارت اور ٹیکس چوری کے خلاف کارروائیاں مزید جاری رکھی جائیں گی۔