بالی ووڈ کی اداکارہ سونم کپور نے اپنے گھر دوسری بار خوشیوں کی بہار لا دی ہے۔ اداکارہ کے ہاں 29 مارچ 2026 کو بیٹے کی پیدائش ہوئی، جس کی خوشخبری انہوں نے اپنے مداحوں کے ساتھ انسٹاگرام پر شیئر کی۔
سونم کپور نے پوسٹ میں لکھا کہ ننھے مہمان کی آمد نے نہ صرف ان کے گھر بلکہ دلوں کو بھی خوشیوں سے بھر دیا ہے۔ ان کے بڑے بیٹے وایو کپور نے بھی چھوٹے بھائی کی آمد پر بے حد خوشی ظاہر کی۔اداکارہ نے اس لمحے کو اپنی زندگی کا ایک خوبصورت نیا باب قرار دیا اور شکرگزاری کا اظہار کیا۔ یاد رہے کہ سونم کپور نے 2018 میں آنند کپور سے شادی کی تھی اور ان کے ہاں پہلا بیٹا 2022 میں پیدا ہوا تھا۔
