فاطمہ بھٹو نئی پارٹی بنانے کی تیاری ذوالفقار علیٰ جونئیر

 پیپلز پارٹی ہائی جیک ہوچکی،میری ہمشیرہ فاطمہ بھٹو آرہی ہیں، ن کے ساتھ پارٹی کا اعلان کروں گا :جونیئر
کراچی(خصوصی رپورٹ)سابق وزیراعظم ذوالفقار علی بھٹو کے پوتے ذوالفقار علی بھٹو جونیئر نے کہا ہے کہ مجھے اسٹیبلشمنٹ کی کوئی سپورٹ نہیں ہے، میں خود اپنے آپ کو بنانے کی کوشش کر رہا ہوں، میری ہمشیرہ فاطمہ بھٹو آرہی ہیں، ہم ان کے ساتھ پارٹی کا اعلان کریں گے۔اپنی رہائش گاہ 70کلفٹن میں پریس کانفرنس کرتے ہوئے انہوں نے کہا کہ پیپلز پارٹی ہائی جیک ہوچکی ہے، ہم زرداری لیگ کو مسترد کرتے ہیں، یہ وہ پیپلز پارٹی نہیں جو ذوالفقار علی بھٹو اور میر مرتضیٰ بھٹو شہید کی تھی، ہم پی پی پی کے ساتھ کبھی کام نہیں کریں گے۔ پی ٹی آئی کی پالیسی کے ساتھ ہر کوئی نہیں ہے، میں لیاری سے الیکشن لڑوں گا۔ ہم پارٹی کے نام پر غور کر رہے ہیں، اگر آپ شاہراہ بھٹو بنا سکتے ہیں تو لیاری والوں کو گھر کیوں نہیں دے سکتے، شاہراہ بھٹو کراچی کے عوام کے منہ پر طمانچہ اور فضول پروجیکٹ ہے۔ اسٹیبلشمنٹ نے ہمارے خاندان کے ساتھ بہت زیادتی کی، یہ جھوٹ ہے کہ مجھیاسٹیبلشمنٹ کی کوئی سپورٹ ہے،ہر وڈیرہ ایک جیسا نہیں ہے، میں بھی ایک وڈیرہ ہوں اور آپ کے سامنے ہوں۔