آسٹریلوی اوپنر عثمان خواجہ نے اپنے کیریئر کی پہلی ٹیسٹ ڈبل سنچری اسکور کی اور کچھ اہم ریکارڈز اپنے نام کیے۔
انہوں نے سری لنکا کے خلاف پہلے ٹیسٹ میچ میں ڈبل سنچری اسکور کرکے نہ صرف اپنی کارکردگی کا لوہا منوایا، بلکہ سری لنکا کی سرزمین پر یہ اعزاز حاصل کرنے والے پہلے آسٹریلوی بلے باز بنے۔عثمان خواجہ نے 290 گیندوں پر 200 رنز اسکور کیے۔ اس کے علاوہ، وہ ایشیا میں ڈبل سنچری اسکور کرنے والے چھٹے آسٹریلوی بلے باز بنے۔ اس سے قبل مارک ٹیلر، گریگ چیپل، ڈین جونز، میتھیو ہیڈن، اور جیسن گلیسپی بھی ایشیا میں ڈبل سنچری اسکور کر چکے ہیں۔اس میچ میں، اسٹیو اسمتھ نے بھی ایک اہم سنگ میل عبور کیا اور 10 ہزار ٹیسٹ رنز مکمل کرنے والے آسٹریلیا کے چوتھے کھلاڑی بن گئے۔ اسٹیو اسمتھ نے 141 رنز بنائے، مگر اس کے بعد وہ وکٹ گنوا بیٹھے۔ اس طرح اسٹیو اسمتھ 205 اننگز میں 10 ہزار رنز مکمل کرنے والے دنیا کے پانچویں کھلاڑی بن گئے۔
