تینوں سینئر جج تبادلے کے بعد جونیئر بن گئے جسٹس محسن کیانی دوسرے سے12 ویں نمبر پر چلے گئے

جسٹس بابر ستار کا اسلام آباد ہائی کورٹ میں سنیارٹی لسٹ میں تیسرا نمبر تھا، تبادلے کے بعد جسٹس بابر ستار پشاور ہائی کورٹ میں چھٹے نمبر پر چلے گئے
جسٹس ثمن رفعت  چھٹے نمبر پر تھیں،  تبادلے کے بعد  سنیارٹی لسٹ میں 16 واں نمبر ہوگا‘ تینوں جج  اب بطور جونیئر جج کیسوں کی سماعت کریں گے
اسلام آباد(مانیٹرنگ ڈیسک) اسلام آباد ہائیکورٹ سے ٹرانسفر ہونے والے تینوں ججز کی سنیارٹی متاثر ہوگئی۔جسٹس محسن اختر کیانی کا اسلام آباد ہائیکورٹ میں سنیارٹی لسٹ میں دوسرا نمبر تھا، تبادلے کے بعد جسٹس محسن اختر کیانی کا لاہور ہائیکورٹ سنیارٹی لسٹ میں بارہواں نمبر ہوگا۔جسٹس بابر ستار کا آسلام آباد ہائی کورٹ میں سنیارٹی لسٹ میں تیسرا نمبر تھا، تبادلے کے بعد جسٹس بابر ستار پشاور ہائی کورٹ میں چھٹے نمبر پر چلے گئے، اس کے علاوہ جسٹس ثمن رفعت اسلام آباد ہائی کورٹ میں سنیارٹی لسٹ کے مطابق چھٹے نمبر پر تھیں، جبکہ سندھ ہائی کورٹ میں تبادلے کے بعد جسٹس ثمن رفعت کا سنیارٹی لسٹ کے مطابق 16 واں نمبر ہوگا۔تینوں ججز کا پنجاب، سندھ اور خیبر پختونخوا میں تبادلوں کے بعد وہ اب بطور جونیئر جج کیسز کی سماعت کریں گے، جسٹس بابر ستار انتظامی کمیٹی کا حصہ بن جائیں گے۔