سپریم کورٹ آف پاکستان نے 2025 کے لیے لاء کلرک شپ پروگرام کے آغاز کا اعلان کر دیا ہے، جو ملک بھر کے قانون کے طلبا اور نوجوان وکلا کے لیے ایک اہم موقع فراہم کرتا ہے۔
تفصیلات:
پروگرام کا آغاز: جون 2025 سے
مدت: تقرری ایک سال کے لیے ہو گی
آخری تاریخ: درخواستیں 15 مئی 2025 تک جمع کرائی جا سکتی ہیں
ترجمان سپریم کورٹ کے مطابق:
اس پروگرام کے تحت کامیاب امیدواروں کو سپریم کورٹ کے معزز ججز کے ساتھ کام کرنے کا موقع دیا جائے گا تاکہ وہ عدالتی طریقہ کار، تحقیق، اور فیصلوں کی تیاری جیسے اہم پہلوؤں میں عملی تجربہ حاصل کر سکیں۔یہ کلرک شپ مکمل طور پر میرٹ کی بنیاد پر دی جائے گی۔
اہلیت:
پروگرام کے لیے اہلیت، درخواست فارم اور شرائط و ضوابط کی مکمل تفصیلات سپریم کورٹ کی ویب سائٹ www.supremecourt.gov.pk پر دستیاب ہیں۔
درخواست گزاروں کو ہدایت کی گئی ہے کہ وہ دی گئی ہدایات کے مطابق تمام مطلوبہ دستاویزات کے ساتھ اپنی درخواستیں مقررہ وقت پر جمع کرائیں۔
مقصد:
یہ پروگرام ملک کے قانونی نظام میں شفافیت، تحقیق اور پیشہ ورانہ تربیت کو فروغ دینے کے لیے متعارف کرایا گیا ہے۔ اس سے نہ صرف نوجوان قانون دانوں کو سیکھنے کا موقع ملے گا بلکہ عدالتی نظام کو بھی تحقیقاتی معاونت فراہم ہو سکے گی۔
