خاتون سے زیادتی اور نازیبا ویڈیو بنانے والا ملزم گرفتار

تھانہ سٹی پولیس نے خاتون سے زیادتی اور نازیبا ویڈیو بنانے کے سنگین مقدمے میں ایک اہم پیش رفت کرتے ہوئے مرکزی ملزم کو گرفتار کرلیا۔

واقعہ کی تفصیل
ایف آئی آر کے مطابق گرفتار شخص نے متاثرہ خاتون کو بہانے سے ایک ہوٹل میں لے جا کر زیادتی کا نشانہ بنایا۔ملزم نے اس دوران نازیبا ویڈیو بھی بنائی اور خاتون کو جان سے مارنے کی دھمکیاں دیں۔متاثرہ خاتون کی درخواست پر دو روز قبل مقدمہ درج کیا گیا تھا۔
پولیس کی کارروائی
تھانہ سٹی پولیس نے تمام تر وسائل بروئے کار لا کر مرکزی ملزم کو گرفتار کرلیا۔پولیس کا کہنا ہے کہ واقعہ میں ملوث دوسرے ساتھی کو بھی جلد گرفتار کرلیا جائے گا۔متاثرہ خاتون کا میڈیکل ٹیسٹ مکمل کرلیا گیا ہے تاکہ کیس میں شواہد مضبوط کیے جا سکیں۔
پولیس حکام کا مؤقف
ایس پی راول سعد ارشد نے کہا ہے کہ گرفتار ملزم کو ٹھوس شواہد کے ساتھ چالان عدالت کیا جائے گا۔پولیس کی کوشش ہے کہ متاثرہ خاتون کو انصاف دلایا جائے اور ملزم کو قرار واقعی سزا دی جائے۔