یو اے ای میں فلسطینیوں کیلئے خوراک کے ایک کروڑ پیکٹس کی مہم

 رضاکار 7 دسمبر کو جمع ہوں گے جس دوران غزہ کے بچوں کیلئے امداد تیار کی جائے گی
  دبئی(آ ئی این پی ) متحدہ عرب امارات نے  فلسطینیوں کیلئے خوراک کے  ایک کروڑ پیکٹس کی مہم شروع کردی۔دبئی کے حکمران شیخ محمد بن راشد المکتوم نے اپنی عوام سے فلسطینیوں کیلئے سے مدد کی اپیل کی تھی جس کے بعد سے خوراک پیکنگ ایکسپو سٹی میں جاری ہے۔امدادی جہاز کے لیے رضاکار 7 دسمبر کو جمع ہوں گے جس دوران غزہ کے بچوں کیلئے فوری امداد تیار کی جائے گی۔دوسری جانب شیخ محمد ہیومینیٹیرین شپ غزہ جائیگی ۔واضح رہے کہ متحدہ عرب امارات نے غزہ کے مظلوم فلسطینیوں کیلئے 2 سال میں8700 ٹرک بھیجے ہیں،  اس دوران  غزہ کیلئے 16 لاکھ امدادی پیکجز اور اماراتی مہم الفارس الشہم تھری کے تحت 250 قافلے روانہ ہوئے۔غزہ کی خواتین اور بچوں کیلیے خصوصی امدادی  بھی پیکجز بھیجے گئے،  غزہ کیلیے 33 ایمبولینسیں اور فیلڈ کلینک فراہم کی گئیں جب کہ  امداد میں  پانی اور انفرا اسٹرکچر سپورٹ بھی شامل ہے۔