نیویارک: وزیراعظم شہباز شریف نے اقوام متحدہ کے سیکرٹری جنرل انتونیو گوتریس سے ملاقات میں اہم قومی اور علاقائی امور پر تبادلہ خیال کیا۔
ملاقات کا مقصد عالمی فورم پر پاکستان کے مؤقف کو اجاگر کرنا تھا۔
مسئلہ کشمیر اور بھارت کی خلاف ورزیاں
وزیراعظم نے مسئلہ کشمیر پر زور دیا کہ اسے سلامتی کونسل کی قراردادوں کے مطابق منصفانہ اور پرامن حل کے ذریعے حل کیا جائے۔بھارت کی جانب سے سندھ طاس معاہدے کی خلاف ورزی اور پاکستان میں دہشت گردی کی حمایت کے معاملات بھی اٹھائے گئے۔وزیراعظم نے حالیہ پاک بھارت کشیدگی کے تناظر میں امن اور استحکام قائم رکھنے میں اقوام متحدہ کے کردار کو سراہا۔
غزہ اور فلسطین کے حوالے سے پاکستان کا موقف
وزیراعظم نے غزہ میں فوری جنگ بندی کے لیے پاکستان کی مکمل حمایت کا اظہار کیا۔فلسطینی ریاست کے قیام کے لیے عالمی برادری کی توجہ دلانے اور رکاوٹیں دور کرنے پر زور دیا۔
اقوام متحدہ اور عالمی تعاون
وزیراعظم نے ملٹی لیٹرل ازم کو مضبوط کرنے اور دنیا کے درپیش چیلنجز سے نمٹنے میں اقوام متحدہ کے مرکزی کردار پر پاکستان کے عزم کو دہرایا۔حالیہ سیلاب کے حوالے سے پاکستانی حکومت کے اقدامات کو سراہا اور ماحولیاتی چیلنجز سے نمٹنے کے لیے اضافی فنانسنگ کی ضرورت پر زور دیا۔
