مینوئل اسلحہ لائسنس کی توثیق و کمپیوٹرائزیشن کا عمل دوبارہ شروع

 لاہور(خصوصی رپورٹ )محکمہ داخلہ پنجاب نے پرانے مینوئل اسلحہ لائسنس کی توثیق اور کمپیوٹرائزیشن کا عمل دوبارہ شروع کر دیا۔حکومت پنجاب نے مینوئل اسلحہ لائسنس ہولڈر شہریوں کو کمپیوٹرائزیشن کیلئے آخری موقع فراہم کیا ہے، اب کتابچے والے پرانے انفرادی اسلحہ لائسنس کی توثیق اور کمپیوٹرائزیشن ممکن ہو گی۔محکمہ داخلہ پنجاب کے مطابق مینوئل لائسنس کے حامل افراد اپنے متعلقہ ڈویژن کے کمشنر یا ایڈیشنل سیکرٹری داخلہ جوڈیشل کو درخواست دے سکتے ہیں ، تمام امیدواروں کے ریکارڈ اور کاغذات کی تصدیق کی جائے گی، تصدیق کے بعد متعلقہ کمشنر یا ایڈیشنل سیکرٹری جوڈیشل اہل امیدواروں کو لائسنس جاری کریں گے۔