ایران نے امریکا کی دباؤ بڑھانے کی دھمکیوں کے جواب میں علاقائی حمایت کرنے والے ممالک کو خبردار کیا ہے کہ اگر انہوں نے واشنگٹن کا ساتھ دیا تو سخت نتائج کا سامنا کریں گے۔
ایرانی نائب صدر اسماعیل سقاب اصفہانی کا کہنا ہے کہ اگر ایران کے تیل کے کنوؤں یا بنیادی ڈھانچے کو نقصان پہنچا تو جواب میں چار گنا نقصان کیا جائے گا۔ یہ بیان ایسے وقت میں سامنے آیا ہے جب امریکی صدر ڈونلڈ ٹرمپ نے کہا ہے کہ جاری دباؤ کے باعث ایران کی تیل ترسیل متاثر ہو سکتی ہے اور اس کی معیشت شدید بحران کا شکار ہے۔ ایرانی پارلیمنٹ کے اسپیکر محمد باقر قالیباف نے بھی ردعمل میں کہا ہے کہ ایران کے پاس تیل کی رسد روکنے کے کئی ’کارڈز‘ موجود ہیں، جن میں آبنائے ہرمز اور دیگر راستے شامل ہیں۔ ان کا کہنا ہے کہ اگر یہ راستے بند ہوئے تو عالمی منڈی میں تیل کی قیمتیں بڑھ جائیں گی، خاص طور پر گرمیوں میں جب طلب زیادہ ہوتی ہے۔
