2024 مہلک ترین سال:9ہزار سے زائد تارکین وطن ہلاک ہوئے : رپورٹ

ایشیا کے راستے سب سے زیادہ جان لیوا ثابت ہوئے، اس کے بعد بحیرہ روم اور افریقی راستے خطرناک قرار 
 جنیوا(آئی این پی ) اقوام متحدہ کے ادارہ برائے ہجرت نے اپنی ایک تازہ رپورٹ میں کہا ہے کہ 2024دنیا بھر میں تارکین وطن کے لیے سب سے مہلک سال ثابت ہوا، جس میں 8,938افراد خطرناک سفری راستوں پر ہلاک ہوئے۔آئی اور ایم کی رپورٹ کے مطابق ایشیا کے راستے سب سے زیادہ جان لیوا ثابت ہوئے، اس کے بعد بحیرہ روم اور افریقی راستے (بشمول صحارا صحرا)  خطرناک قرار دئیے گئے۔ اقوام متحدہ نے اس تشویشناک صورتحال پر عالمی سطح پر مربوط اقدامات کا مطالبہ کیا ہے تاکہ مزید قیمتی جانوں کے ضیاع کو روکا جا سکے۔ رپورٹ کے مطابق 10 فیصد ہلاکتیں پرتشدد وجوہات کی بنا پر ہوئیں، ایران، میانمار، بنگلا دیش اور میکسیکو ایسے ممالک ہیں جہاں سب سے زیادہ مہلک حملے رپورٹ ہوئے۔