طالبان حکومت کو سفارتی اور عسکری سطح پر مشکلات کا سامنا ،افغان جریدہ

 طالبان حکام  افغانستان میں شدت پسند عناصر کی موجودگی کا اعتراف کر چکے ہیں 
کابل(آئی این پی ) افغان جریدے ہشت صبح نے اپنی ایک حالیہ رپورٹ میں دعوی کیا ہے کہ طالبان حکومت کو دہشتگرد تنظیموں کی مبینہ سرپرستی کے باعث  سفارتی اور عسکری سطح پر مشکلات کا سامنا ہے۔رپورٹ میں کہا گیا ہے کہ بعض طالبان حکام بالواسطہ طور پر افغانستان میں شدت پسند عناصر کی موجودگی کا اعتراف کر چکے ہیں۔جریدے کے مطابق خطے میں بڑھتی ہوئی کشیدگی اور سرحدی بندشوں کے باعث افغانستان کو معاشی دبا کا سامنا ہے، جس سے ادویات اور خوراک کی قیمتوں میں اضافہ ہوا ہے۔رپورٹ میں خبردار کیا گیا ہے کہ کسی بھی ہمسایہ ملک کے ساتھ براہ راست عسکری تصادم افغانستان کے لیے نقصان دہ ثابت ہو سکتا ہے