قازقستان کے شہر اکتاؤ میں آذربائیجان کا مسافر طیارہ گر کر تباہ ہوگیا ہے، جس میں 72 مسافر سوار تھے۔
یہ طیارہ باکو سے روس کے شہر گروزنی جا رہا تھا اور حادثہ اکتاؤ کے قریب پیش آیا۔ حادثے کے فوری بعد امدادی کارروائیاں شروع کر دی گئیں اور مقامی حکام نے فوری طور پر طیارے کے ملبے سے زندہ بچ جانے والے افراد کو نکال کر ہسپتال منتقل کیا۔ ابتدائی اطلاعات کے مطابق 6 افراد زندہ بچ گئے ہیں، لیکن اس حادثے میں متعدد افراد کے ہلاک ہونے کا خدشہ ظاہر کیا جا رہا ہے۔طیارے کے حادثے کی جگہ پر امدادی ٹیمیں موجود ہیں اور تحقیقات جاری ہیں تاکہ حادثے کی اصل وجہ کا پتہ چل سکے۔ طیارے میں سوار تمام افراد کی شناخت ابھی تک سامنے نہیں آئی ہے، تاہم امدادی کارروائیاں تیز رفتاری سے جاری ہیں تاکہ مزید زندہ افراد کو نکالا جا سکے۔ ایوی ایشن حکام نے بھی اس واقعے پر تحقیقات شروع کر دی ہیں اور طیارے کے بلیک باکس کی تلاش کی جارہی ہے تاکہ حادثے کی مزید تفصیلات معلوم کی جا سکیں۔
