آسٹریلیا میں 16 سال سے کم عمر بچوں کے سوشل میڈیا استعمال پر پابندی کے لیے ایک نیا بل پارلیمنٹ میں پیش کیا گیا ہے۔
مجوزہ قانون کے مطابق، سوشل میڈیا کمپنیوں کو اس بات کو یقینی بنانا ہوگا کہ 16 سال سے کم عمر بچے اپنے اکاؤنٹس نہ بنائیں۔ اگر کمپنیاں اس حوالے سے معقول اقدامات کرنے میں ناکام رہیں، تو انہیں تقریباً 32.5 ملین امریکی ڈالر تک کا جرمانہ عائد کیا جا سکتا ہے۔
بل کی تفصیلات:
یہ پابندی ٹک ٹاک، ایکس (سابقہ ٹوئٹر)، انسٹاگرام، اسنیپ چیٹ سمیت دیگر سوشل میڈیا پلیٹ فارمز پر لاگو ہوگی۔مجوزہ بل کے تحت سوشل میڈیا کمپنیوں کو بچوں کی عمر کی تصدیق کرنے اور انہیں اکاؤنٹس بنانے سے روکنے کے لیے ٹھوس اقدامات کرنے کی ضرورت ہوگی۔بل منظور ہونے کی صورت میں یہ قانون ایک سال کے اندر نافذ العمل ہو گا۔یہ بل آسٹریلیائی حکومت کی جانب سے بچوں کی آن لائن حفاظت کو مزید مضبوط بنانے کے لیے ایک قدم ہے، اور اس کا مقصد نوجوانوں کو سوشل میڈیا کے ممکنہ نقصانات سے بچانا ہے۔
