ملک میں سونے کی قیمتوں میں کمی کا رجحان دیکھنے میں آیا ہے، جس کے باعث صرافہ مارکیٹ میں نرخوں میں واضح کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 2200 روپے کی کمی ہوئی ہے، جس کے بعد نئی قیمت 4 لاکھ 73 ہزار 162 روپے ہو گئی ہے۔اسی طرح 10 گرام سونے کی قیمت میں بھی 1886 روپے کی کمی ریکارڈ کی گئی ہے، جس کے بعد یہ نرخ 4 لاکھ 5 ہزار 660 روپے تک پہنچ گئے ہیں۔عالمی مارکیٹ میں بھی سونے کی قیمت میں کمی دیکھی گئی ہے، جہاں فی اونس سونا 22 ڈالر کم ہو کر 4508 ڈالر پر آ گیا ہے۔ماہرین کے مطابق عالمی سطح پر قیمتوں میں اتار چڑھاؤ، ڈالر کی قدر اور سرمایہ کاروں کے رجحان میں تبدیلی سونے کی قیمتوں پر براہِ راست اثر انداز ہوتی ہے۔ مقامی مارکیٹ میں بھی اسی رجحان کے باعث قیمتوں میں کمی دیکھنے میں آ رہی ہے۔
