رشتہ داروں کی لڑائی میں دھکا لگنے سے شہری ہلاک

 نولکھا میں اشفاق گھریلو جھگڑے کے دوران بے ہوش ہو کر دم توڑ گیا 
 لاہور (کرائم رپورٹر) نولکھا کے علاقے میں رشتہ داروں کی لڑائی میں دھکا لگنے سے ایک شخص ہلاک ہو گیا۔ پولیس کے مطابق 45 سالہ شخص اشفاق کا رشتہ داروں کے ساتھ گھریلو لڑائی جھگڑا ہو گیا، اس دوران دھکا لگنے سے اشفاق بے ہوش ہو گیا، اسے ہسپتال لے جایا گیا جہاں پر وہ دم توڑ گیا۔ پولیس نے لاش کو مردہ خانے جمع کروا دیا۔ پولیس حکام کا کہنا ہے کہ پوسٹ مارٹم رپورٹ سامنے آنے کے بعد مزید قانونی کارروائی کرنے کا فیصلہ کیا جائے گا۔