سونا کی قیمتوں میں ایک بار پھر کمی کا رجحان دیکھا گیا ہے، جس کے بعد صرافہ بازاروں میں نرخ نیچے آگئے ہیں اور خریداروں کے لیے قیمتیں نسبتاً کم ہو گئی ہیں۔
تازہ صورتحال کے مطابق فی تولہ سونے کی قیمت میں 5,200 روپے کی کمی ریکارڈ کی گئی ہے، جس کے بعد نئی قیمت 4 لاکھ 93 ہزار 762 روپے تک پہنچ گئی ہے۔اسی طرح 10 گرام سونا بھی 4,458 روپے سستا ہوا ہے، جس کے بعد اس کی نئی قیمت 4 لاکھ 23 ہزار 321 روپے مقرر کی گئی ہے۔ماہرین کے مطابق عالمی مارکیٹ میں سونا کی قیمتوں میں مسلسل اتار چڑھاؤ دیکھا جا رہا ہے، جس کا براہِ راست اثر مقامی صرافہ بازاروں پر پڑ رہا ہے۔ کرنسی ریٹس اور عالمی اقتصادی غیر یقینی صورتحال بھی ان تبدیلیوں کی بڑی وجوہات میں شامل ہیں۔تجزیہ کاروں کا کہنا ہے کہ اگر عالمی سطح پر یہی رجحان برقرار رہا تو آنے والے دنوں میں سونے کی قیمتوں میں مزید رد و بدل ممکن ہے، جس سے سرمایہ کاروں اور عام خریداروں دونوں کے فیصلے متاثر ہو سکتے ہیں۔
