عمران خان سے بہنوںکی ملاقات، مقدما ت پر بات چیت کی گئی

راولپنڈی(آئی این پی)بانی پی ٹی آئی عمران خان سے ان کی فیملی کی ملاقات ہوئی ہے، جس میں عدالت کی جانب سے قید کی سزا سنائے جانے کے معاملے پر بات چیت ہوئی۔میڈیا رپورٹ کے مطابق بانی چیئرمین پاکستان تحریک انصاف عمران خان سے اڈیالہ جیل میں  فیملی کی ملاقات ہوئی ۔ کانفرنس روم میں ہونے والی یہ اہم ملاقات تقریبا ایک گھنٹے تک جاری رہے، جس کے بعد عمران خان کی فیملی اڈیالہ جیل سے واپس روانہ ہو گئی۔ذرائع کا کہنا ہے کہ ملاقات کرنے والوں میں علیمہ خان، نورین خان اور دیگر شامل تھے۔