1 ماہ میں آٹا 15 روپے کلو سستا

20 کلوتھیلے کانرخ 300 روپے کم ہوگیا،درجہ اول کاتھیلا 1400میں دستیاب،روٹی نان سستے نہ ہو سکے 
لاہور (کرائم رپورٹر)گندم کی نئی فصل سستی ہونے سے آٹیکے نرخ میں بتدریج کمی جاری، ایک ماہ میں20کلو کاتھیلا 300 روپے سستاہو گیاجبکہ کھلا آٹا بھی سستا ہورہاہے۔مارکیٹ میں ایک ماہ میں آٹے کے نرخ میں 15 روپے کلو تک کمی ہو گئی۔لاہور میں درجہ اول برانڈ 20کلوکاتھیلا 1400 روپے میں دستیاب ہے۔درجہ دوم اور دیگر برانڈکا تھیلا 1300 روپے میں بیچا جا رہا ہے جبکہ چکی آٹے کا نرخ 130 روپیکلو پر آ گیا۔کھلا سرخ آ ٹا 80 اورسفید فائن کھلا آٹا 90روپے کلو مل رہا ہے۔ شہریوں کاکہناہے کہ آٹاسستا ہونیسے ریلیف ملا ہے لیکن روٹی نان کے نرخ گزشتہ برس والے ہی ہیں ان میں بھی کمی کرائی جائے۔ ذرائع کے مطابق مارکیٹ میں گندم کا نرخ 2300 روپے فی من تک ہے اور نئی فصل آنے پر نرخوں میں مسلسل کمی ہوئی ہیجس سے آئندہ چند ہفتے تک آٹیکے نرخ میں استحکام کا امکان ظاہر کیا جا رہا ہے۔