عائزہ خان اور دانش تیمور کی علیحدگی کی افواہیں، اداکار کی بھاوج نے تردید کردی

کراچی (آئی این پی)پاکستانی شوبز کی مقبول جوڑی عائزہ خان اور دانش تیمور کے درمیان علیحدگی کی افواہوں پر اب دانش تیمور کی بھابھی سدرا زاہد کا ردعمل بھی سامنے آگیا ہے۔ گزشتہ کچھ عرصے سے سوشل میڈیا پر اس مقبول جوڑی کے ازدواجی تعلقات سے متعلق قیاس آرائیاں جاری تھیں تو اب دانش تیمور کے بھائی زاہد تیمور کی اہلیہ سدرا نے ان افواہوں کو بے بنیاد قرار دیتے ہوئے مسترد کر دیا ہے۔سدرا نے سوشل میڈیا پر وضاحت دیتے ہوئے بتایا کہ عائزہ اور دانش خوش ہیں اور ان کا رشتہ بالکل ٹھیک ہے، ان کی علیحدگی سے متعلق کی جانے والی باتوں میں کوئی حقیقت نہیں۔واضح رہے کہ عائزہ خان بھی اس سے قبل ایک فین پیج کو بتا چکی ہیں کہ ان کی دانش تیمور سے علیحدگی نہیں ہوئی۔ دونوں اداکاروں کی جانب سے اس معاملے پر کوئی تفصیلی باضابطہ بیان سامنے نہیں آیا ہے۔