چیف جسٹس یحییٰ آفریدی شنگھائی تعاون تنظیم جوڈیشل کانفرنس میں شرکت کے لیے چین روانہ

 اسلام آباد(آن لائن)چیف جسٹس پاکستان جسٹس یحییٰ آفریدی چین میں شنگھائی تعاون تنظیم جوڈیشل کانفرنس میں شرکت کے لیے چین روانہ ہوگئے ہیں۔ کانفرنس 22 سے 26 اپریل تک چین کے شہر ہانگڑو میں منعقد ہوگی،وفد میں جسٹس امین الدین، جسٹس شاہد وحید، سیشن جج گوادر ظفر جان، سینئر سول جج ضلع لکی مروت نادیہ گل بھی شامل ہیں۔چیف جسٹس پاکستان چین کی سپریم پیپلز کورٹ کے ساتھ تاریخی مفاہمتی یادداشت پر دستخط کریں گے جسکا مقصد بین الاقوامی تجارتی قانون، ثالثی، سائبر کرائم، مالیاتی جرائم، موسمیاتی تبدیلی سے متعلق قانونی چارہ جوئی اور عدالتی ٹیکنالوجی کے انضمام سمیت اہم شعبوں میں عدالتی تعاون کا فروغ ہے۔