ایمازون نے اپنے اخراجات میں کمی اور کارکردگی کو بہتر بنانے کے لیے ایک بڑا قدم اٹھاتے ہوئے عالمی انتظامی ٹیم میں 14,000 ملازمتوں کو ختم کرنے کا فیصلہ کیا ہے۔
یہ فیصلہ 2025 تک مکمل ہونے کی توقع ہے اور اس کے ذریعے کمپنی کو سالانہ 210 کروڑ سے 360 کروڑ بھارتی روپے کی بچت ہونے کی امید ہے۔کمپنی کی حکمت عملی کے مطابق، اس اقدام کا مقصد ایمازون کی انتظامیہ کے اخراجات کو کم کرنا اور اس کی کارکردگی کو مؤثر بنانا ہے۔ ایمازون کے عالمی انتظامی عملے میں تقریباً 13 فیصد کمی کی جائے گی، جس سے منیجروں کی تعداد 1 لاکھ 5 ہزار 770 سے کم ہو کر 91 ہزار 936 رہ جائے گی۔یہ فیصلہ ایمازون کے کمیونیکیشن اور سسٹین ایبیلٹی ڈیپارٹمنٹس میں حالیہ چھانٹیوں کے بعد کیا گیا ہے اور کمپنی کی وسیع تر تنظیم نو کی پالیسی کی عکاسی کرتا ہے۔
ایمازون نے اپنے کچھ تجرباتی منصوبوں جیسے "Try Before You Buy" لباس کے پروگرام اور فوری ڈیلیوری سروس کو بند کرنے کا بھی فیصلہ کیا ہے تاکہ وہ اپنی بنیادی خدمات پر زیادہ توجہ دے سکے۔ایمازون کے سی ای او اینڈی جیسی کی قیادت میں یہ اقدامات کمپنی کی حکمتِ عملی کا حصہ ہیں، جن کا مقصد فیصلہ سازی کو تیز کرنا اور کمپنی کی مجموعی کارکردگی کو زیادہ مؤثر بنانا ہے۔ یہ فیصلہ خاص طور پر اس لیے اہم ہے کیونکہ ایمازون نے کووڈ-19 کی وباء کے دوران اپنی افرادی قوت میں نمایاں اضافہ کیا تھا، اور اب وہ اس افرادی قوت میں کمی کر رہا ہے۔
