ہفتے میں مذاکرات پر پیش رفت نہ ہونے پر وقت ضائع نہیں کریں گے: فیصل چودھری

 190ملین پانڈ کیس میں اپیل کریں گے، ہماری اپیل ترجیحی بنیاد پر سنی جائے گی،بانی پی ٹی آئی کے وکیل کا انٹرویو 
اسلام آباد(آئی این پی)بانی تحریک انصاف کے وکیل فیصل چودھری نے کہا ہے کہ ہفتے میں مذاکرات پر پیش رفت نہ ہونے پر وقت ضائع نہیں کریں گے۔ ایک انٹرویو میں فیصل چودھری کا کہنا تھا کہ 190ملین پانڈ کیس میں ہم اپیل کریں گے، ہماری اپیل ترجیحی بنیاد پر سنی جائے گی، ہم نے تو جج پراعتماد کا اظہار بھی نہیں کیا تھا۔انہوں نے کہا کہ حکومت کا اپیل سے متعلق عدلیہ سے مطالبہ عدالتی معاملات میں مداخلت ہے، اگر7دن تک مثبت پیشرفت نہ ہوئی توہم اپناوقت ضائع نہیں کریں گے۔فیصل چودھری کا مزید کہنا تھا کہ بانی پی ٹی آئی اپنے مقف پرقائم ہیں کوئی ڈیل نہیں کریں گے، بانی پی ٹی آئی نے کہا تھا ملک کیلئے مذاکرات ہونے چاہیئں، پی ٹی آئی نے کبھی مذاکرات کے دروازے بند نہیں کیے۔