ملزم ٹیلر کرک کے قتل کی پہلے سے منصوبہ بندی کرچکا تھا، ایف بی آئی

 ملزم نے فائرنگ سے قبل ٹیکسٹ میسج بھیجا کہ چارلی کو ختم کرنے کا موقع ملا ہے
 نوٹ بعد میں ضائع لیکن تفتیش کاروں نے مندرجات کے شواہد حاصل کر لیے
واشنگٹن (آ ئی این پی )امریکا میں ایف بی آئی ڈائریکٹر کاش پٹیل نے انکشاف کیا ہے کہ صدر ڈونلڈ ٹرمپ کے قریبی ساتھی اور قدامت پسند تنظیم ٹرننگ پوائنٹ یو ایس اے کے سی ای او چارلی کرک کو قتل کرنے والا ملزم ٹیلر رابنسن پہلے سے منصوبہ بندی کرچکا تھا۔غیر ملکی میڈیا کے مطابق ملزم نے فائرنگ سے قبل ایک ٹیکسٹ میسج بھیجا اور ایک تحریری نوٹ میں لکھا کہ اسے چارلی کرک کو ختم کرنے کا موقع ملا ہے۔ یہ نوٹ بعد میں ضائع کر دیا گیا لیکن تفتیش کاروں نے  اس کے مندرجات کے شواہد حاصل کر لیے ہیں۔امریکی اخبار واشنگٹن پوسٹ کے مطابق ملزم نے سوشل پلیٹ فارم ڈسکارڈ پر اپنے دوستوں کو پیغام بھیجا تھا جس میں اس نے جرم کا اشارہ دیا۔ یہ پیغام اس کی گرفتاری سے کچھ دیر قبل بھیجا گیا تھا