قومی کرکٹ ٹیم کے اوپنر امام الحق نے سلیکشن کمیٹی کے معیار پر سوال اٹھاتے ہوئے کہا ہے کہ ان کا نظرانداز کیا جانا "پسند اور ناپسند" کے کلچر کو فروغ دینے کی وجہ ہے۔
امام الحق نے کہا کہ جب ایک کھلاڑی کو مسلسل مواقع دیے جا رہے ہیں اور ان کی صلاحیت کے حامل دوسرے کھلاڑی کو کم میچز مل رہے ہیں، تو اس سے واضح ہوتا ہے کہ سلیکشن کا معیار مختلف ہے۔انہوں نے ٹی20 ورلڈکپ 2024 میں ٹیم کی کارکردگی پر بھی تبصرہ کیا، اور کہا کہ مسلسل تبدیلیوں کے باعث امریکا اور بھارت کے خلاف میچز میں شکست کا سامنا کرنا پڑا۔ امام الحق کے مطابق، ٹیم جیت کے قریب پہنچ کر میچ ہار رہی تھی، اور انہوں نے کہا کہ ٹی20 ورلڈکپ کے دوران بعض کہانیاں سنی تھیں جو بھارت میں ہونے والے ون ڈے ورلڈکپ سے بھی بدتر تھیں۔
