ویب ڈیسک: پاکستان کرکٹ ٹیم کے سابق کپتان اور اسٹار بیٹر بابر اعظم ایک مرتبہ پھر سوشل میڈیا کی زینت بن گئے ہیں، مگر اس بار وجہ کرکٹ نہیں بلکہ ایک وائرل ویڈیو کلپ ہے جس میں وہ معروف پاکستانی ماڈل و اداکارہ زباب رانا کے ساتھ ایک تقریب میں موجود نظر آ رہے ہیں۔
یہ مختصر ویڈیو کلپ تیزی سے سوشل میڈیا پلیٹ فارمز پر وائرل ہو رہی ہے، جس میں بابر اعظم کو زباب رانا کی طرف دیکھتے ہوئے دکھایا گیا ہے۔ ویڈیو میں بابر کے چہرے پر شرمیلے اور کچھ حد تک گھبرائے ہوئے تاثرات دیکھے جا سکتے ہیں، جنہیں دیکھ کر سوشل میڈیا صارفین نے دلچسپ تبصرے شروع کر دیے ہیں۔
صارفین کے تبصرے:
بابر اعظم کی اس وائرل ویڈیو پر مداحوں اور صارفین نے ملا جلا ردعمل ظاہر کیا ہے:ایک صارف نے لکھا: "بابر بھائی، اپنے جذبات پر قابو رکھیں!"ایک اور نے تبصرہ کیا: "لگتا ہے بابر ہیئر اسٹائلر بننا چاہ رہے ہیں!"کسی نے ہنستے ہوئے کہا: "یہاں بابر فلرٹی کرنے کی کوشش کر رہے ہیں!"کچھ صارفین نے ویڈیو کو مزاحیہ انداز میں لیا جبکہ چند نے بابر اعظم کی نجی زندگی میں بے جا مداخلت پر تنقید بھی کی۔
واقعے کا پس منظر:
ویڈیو غالباً کسی نجی یا شو بز کی تقریب کی ہے جہاں شوبز اور کھیلوں سے تعلق رکھنے والی شخصیات شریک تھیں۔ اس دوران کیمرے کی آنکھ نے وہ لمحہ محفوظ کر لیا جو اب سوشل میڈیا پر موضوعِ بحث بن گیا ہے۔
