پنجاب میں آبیانہ اور فکس ٹیکس میں چھوٹ گندم کے کاشتکاروں کیلئے ریلیف ہے: وزیراعظم

 اسلام آ باد(آئی این پی )وزیراعظم شہباز شریف  نے کہا ہے  پنجاب میں گندم کے کاشتکاروں کے لیے آبیانہ اور فکس ٹیکس میں بھی چھوٹ کاشتکاروں کے لیے ریلیف ہے۔وزیر اعلی پنجاب مریم نواز کی جانب سے گندم کے کاشتکاروں کے لیے خصوصی پیکیج کے اعلان پر وزیراعظم محمد شہباز شریف نے ستائش کی اور کہا کہ ساڑھے 5 لاکھ کاشت کاروں کو براہ راست گندم سپورٹ فنڈ کے تحت 15 ارب روپے کے فنڈز کی منظوری انتہائی خوش آئند قدم ہے۔ جاری بیان کے مطابق وزیراعظم نے کہا کہ کسانوں کو چار ماہ مفت اسٹوریج کی سہولت مہیا کرنے کے اقدام سے گندم کو موسمی اثرات اور کسانوں کو مارکیٹ کے دبا سے محفوظ رکھنے میں آسانی ہوگی۔