نیپرا میں ملک بھر کے بجلی صارفین کے لیے اگست 2025 کی ماہانہ ایڈجسٹمنٹ میں بجلی 19 پیسے فی یونٹ مہنگی کرنے کی درخواست دائر کی گئی ہے۔
پاکستان سینٹرل پاور پرائیویٹ لمیٹڈ (CPPA) نے درخواست جمع کروائی، اور نیپرا نے اس پر سماعت 29 ستمبر کو کرنے کا فیصلہ کیا ہے۔حکومتی پالیسی گائیڈلائنز کے مطابق، ماہانہ ایڈجسٹمنٹ کا اطلاق ملک بھر کے صارفین پر ہوگا، اور امکان ہے کہ اکتوبر کے بلوں میں اگست کی ایڈجسٹمنٹ شامل کی جائے۔ نیپرا نے گذشتہ ہفتے جون اور جولائی 2025 کے لیے ایڈجسٹمنٹس کا نوٹیفکیشن جاری کیا تھا، جس کے تحت بعض صارفین کو ریلیف دیا گیا، جیسے ای صارفین کو دو ماہانہ ایڈجسٹمنٹس میں 2.57 روپے فی یونٹ کمی، اور ڈسکوز صارفین کو جولائی کی ایڈجسٹمنٹ میں 1.79 روپے فی یونٹ کمی دی گئی، جو رواں ماہ کے بلوں میں شامل کی جا رہی ہے۔
