اسلام آباد میں سیاسی کشیدگی کے بیچ اسپیکر قومی اسمبلی ایاز صادق نے حکومت اور اپوزیشن کے درمیان مذاکرات کے لیے اپنی خدمات پیش کی ہیں۔
ایاز صادق کا کہنا ہے کہ وہ حکومت اور اپوزیشن کے درمیان تلخیوں کو کم کرنے کے لیے ہر وقت مذاکرات کے لیے دستیاب ہیں، اور ان کا دفتر اور گھر ہمیشہ اس مقصد کے لیے کھلے ہیں۔انہوں نے مزید کہا کہ سیاسی ایشوز سمیت کسی بھی معاملے پر مذاکرات میں کردار ادا کرنے کے لیے تیار ہیں۔ اسپیکر کا کہنا تھا کہ کل ایوان میں ہونے والی بحث خوش آئند تھی اور اس نے ایک مثبت ماحول کی عکاسی کی، جس سے مذاکرات کے لیے ایک دروازہ کھلا ہے۔ایاز صادق کی اس پیشکش کا مقصد حکومت اور اپوزیشن کے درمیان بڑھتی ہوئی کشیدگی کو کم کرنا اور پارلیمنٹ میں مفاہمت اور تعاون کا ماحول پیدا کرنا ہے۔ ان کی یہ کوشش ملکی سیاسی استحکام کے لیے اہم قدم ثابت ہو سکتی ہے۔
