واشنگٹن: امریکی صدر ڈونلڈ ٹرمپ نے کہا ہے کہ انہیں امید ہے کہ ایران کے خلاف جاری جنگ اب اختتام کے قریب پہنچ رہی ہے۔
فرانسیسی خبر رساں ادارے اے ایف پی کے مطابق ٹرمپ کا یہ بیان ایسے وقت میں سامنے آیا ہے جب ایران جنگ ساتویں ماہ میں داخل ہوچکی ہے، تاہم تنازع کے فوری خاتمے کے واضح آثار تاحال دکھائی نہیں دے رہے۔ٹرمپ نے جنگ کے خاتمے کے حوالے سے امید کا اظہار کرتے ہوئے کہا کہ ان کے خیال میں جنگ کے اختتام کی جانب پیش رفت ہوسکتی ہے۔ امریکی صدر نے تنازع کے مستقبل سے متعلق مزید تفصیلات بیان نہیں کیں۔دوسری جانب امریکی میڈیا ادارے ایگزیوس نے رپورٹ کیا ہے کہ ٹرمپ آئندہ منگل کو نیویارک میں اقوام متحدہ کی جنرل اسمبلی کے اجلاس کے موقع پر خلیجی ممالک کے رہنماؤں سے ملاقات کرسکتے ہیں۔
رپورٹ کے مطابق متوقع ملاقات میں ایران کے ساتھ جاری جنگ اور جنگ کے بعد کی صورتحال سے متعلق امریکی منصوبہ بندی پر تبادلہ خیال کیے جانے کا امکان ہے۔ تاہم ملاقات کے حتمی انتظامات اور ایجنڈے کی تفصیلات ابھی سامنے نہیں آئی ہیں۔ایران جنگ کے ساتویں ماہ میں داخل ہونے کے باوجود تنازع کے مستقل خاتمے کے حوالے سے صورتحال غیر یقینی ہے۔ خطے کے ممالک بھی جنگ کے ممکنہ بعد کے سیاسی، معاشی اور سکیورٹی اثرات پر نظر رکھے ہوئے ہیں۔
