ملتان میں قومی بچت اسکیم کے تحت 200 روپے مالیت کے قومی انعامی بانڈز کی 103ویں قرعہ اندازی کے نتائج کا اعلان کر دیا گیا ہے۔
سرکاری اعلامیے کے مطابق، پہلا انعام 7 لاکھ 50 ہزار روپے کا نکلا جو بانڈ نمبر 401981 کے حامل کو ملا۔دوسرے انعام کی رقم 2 لاکھ 50 ہزار روپے فی کس رکھی گئی تھی، جس کے پانچ خوش نصیب فاتح قرار پائے۔ ان بانڈ نمبرز میں 043052، 529272، 612161، 825972، اور 896794 شامل ہیں۔
تیسرے درجے کے انعامات سب سے زیادہ تعداد میں تقسیم کیے گئے اور ہر انعام کی مالیت 1250 روپے فی کس ہے۔ 200 روپے مالیت کے بانڈز عوام میں خاص طور پر مقبول ہیں کیونکہ یہ کم قیمت ہونے کے ساتھ ساتھ بڑی تعداد میں فروخت ہوتے ہیں۔
قومی بچت اسکیم کے تحت ہر سال مختلف مالیت کے بانڈز کی قرعہ اندازی ہوتی ہے، جن میں 100، 200، 750، 1500 روپے اور اس سے بڑی مالیت کے بانڈز شامل ہیں۔ ہر قرعہ اندازی میں لاکھوں افراد اپنی قسمت آزمانے کے لیے شریک ہوتے ہیں۔
