شہدا کی توہین قرآن کے منافی ، قوم افواج کے ساتھ کھڑی ہے: نہال ہاشمی

علما امن، اتحاد کے فروغ میں کردار ادا کریں، شہدا کی قربانیوں کو خراجِ عقیدت: طاہر اشرفی
کراچی (آن لائن)گورنر سندھ نہال ہاشمی نے کہا ہے کہ ’’شہید فی سبیل اللہ‘‘، شہادت اور شہید کے مقام و مرتبے کی توہین قرآن کی تعلیمات کے خلاف ہے، کیونکہ شہید کی موت قوم کی زندگی کا پیغام  ہوتی ہے۔ مال دینا آسان ہے لیکن اپنی جان کا نذرانہ پیش کرنا سب سے بڑی قربانی ہے، اور ہماری افواج پاکستان کے تحفظ کے لیے اپنی جانوں کی قربانیاں دے رہی ہیں۔امن پیغام کمیٹی سے خطاب کرتے ہوئے نہال ہاشمی نے کہا کہ افواج پاکستان کی قربانیوں کی بدولت  ملک نے دشمنوں کو شکست دی اور دنیا میں اپنا دفاع مضبوط بنایا۔  انہوں
 نے کہا کہ ملک کی حفاظت کے لیے جانیں قربان کرنے والے فوجی جوان قوم کا فخر ہیں اور ان کی خدمات کو ہمیشہ یاد رکھا جائے گا۔ انہوں نے کہا کہ اگر کسی سے گفتگو کے دوران غلطی ہو جائے تو اسے اپنا بیان واپس لے لینا چاہیے۔ علما اور مذہبی رہنماؤں کو چاہیے کہ وہ معاشرے میں امن، برداشت اور یکجہتی کے فروغ کے لیے اپنا کردار ادا کریں