وزیراعظم شہباز شریف کا ویانا میں آسٹرین چانسلری پہنچنے پر پرتپاک استقبال، گارڈ آف آنر پیش

ویانا(آئی این پی )وزیراعظم شہباز شریف ویانا میں آسٹرین چانسلری پہنچے جہاں ان کا پرتپاک استقبال کیا گیا اور انہیں گارڈ آف آنر پیش کیا گیا۔آسٹریا کے چانسلر کرسچن سٹاکر نے وزیراعظم شہباز شریف کا استقبالیہ تقریب کے لیے چانسلری پہنچنے پر استقبال کیا، خوش آمدید کہا اور وزیراعظم کا اپنی کابینہ کے ارکان سے تعارف کروایا۔چانسلری پہنچنے پر وزیراعظم شہباز شریف نے مہمانوں کی کتاب میں اپنے تاثرات بھی درج کیے۔