رکن قومی اسمبلی شیر افضل مروت نے میڈیا سے گفتگو کرتے ہوئے پی ٹی آئی میں اپنی برطرفی کے بعد پارٹی کے مستقبل پر سوالات اٹھائے۔
انہوں نے کہا کہ جب انہیں اس طرح نکالا جا سکتا ہے تو پی ٹی آئی میں کسی کا مستقبل محفوظ نہیں۔ مروت نے پارٹی میں فیصلہ سازی کے عمل کو تنقید کا نشانہ بناتے ہوئے کہا کہ پارٹی سے نکالنے کے لیے کوئی جواز پیش کرنا چاہیے۔انہوں نے مزید کہا کہ پارٹی میں موروثی سیاست نہیں ہونی چاہیے اور کسی بھی فرد کو اس کی قربانیوں کی وجہ سے خصوصی سلوک نہیں ملنا چاہیے۔ مروت نے اپنی برطرفی کی وجوہات پر سوال اٹھاتے ہوئے کہا کہ اگر کوئی شخص پارٹی میں گرا کر آگے بڑھ رہا ہے تو وہ غلط سمت میں جا رہا ہے۔
شیر افضل مروت کا کہنا تھا کہ پی ٹی آئی میں جو ہو رہا ہے وہ پارٹی کے اندر غلط فہمیوں اور قبضے کی کوششوں کا نتیجہ ہے۔ انہوں نے یہ بھی کہا کہ پارٹی کے اندر جو سمجھدار لوگ ہیں انہیں صورتحال پر غور کرنا چاہیے کہ پارٹی میں کیا ہو رہا ہے۔انہوں نے مزید کہا کہ اب بہت ہو گیا، اور وہ اس بات پر شکر گزار ہیں کہ انہیں نکال دیا گیا، کیونکہ اب ان کے پاس بات کرنے کی آزادی ہے۔
