سعودی عرب سے 2 ارب ڈالرپاکستان کو مل گئے ، زرمبادلہ ذخائر مستحکم

سعودی عرب نے پاکستان کو 3 ارب ڈالرز ڈپازٹ کرانے کی یقین دہانی کرا دی ‘یو اے ای کو رواں ماہ 3.5 ارب ڈالر واپس کئے جائینگے
اسلام آباد(آئی این پی )  پاکستان کو سعودی عرب سے 2 ارب ڈالرز  موصول ہو گئے، جس سے ملکی زرمبادلہ ذخائر مستحکم ہو گئے۔اسٹیٹ بینک آف پاکستان کی جانب سے سعودی عرب سے 2 ارب ڈالر کے فنڈز موصول ہونے کی تصدیق کر دی گئی ہے۔ مرکزی بینک کے مطابق سعودی عرب کی وزارت خزانہ سے 2 ارب ڈالر کے فنڈز 15 اپریل  کو موصول ہوئے ہیں۔سعودی عرب نے پاکستان کو 3 ارب ڈالرز ڈپازٹ کرانے کی یقین دہانی کرائی ہے۔ ذرائع وزارت خزانہ کے مطابق   متحدہ عرب امارات کو رواں ماہ 3.5 ارب ڈالر کی ادائیگی کی جانی ہے، جو زرمبادلہ کے سرکاری ذخائر کا 18 فیصد بنتی ہے، تاہم سعودی معاونت کے باعث اس ادائیگی سے ذخائر پر پڑنے والا دبا ئوکم ہوگا۔