ویب ڈیسک: پنجاب حکومت نے آئندہ مالی سال کے بجٹ میں عوام کو مہنگائی سے ریلیف دینے کے لیے 100 نئے سہولت بازار قائم کرنے کا فیصلہ کر لیا ہے۔
یہ فیصلہ صوبہ بھر کے شہریوں کو سستے داموں اشیائے ضروریہ کی فراہمی یقینی بنانے کے لیے کیا گیا ہے۔
منصوبے کی تفصیل:
ذرائع کے مطابق:سہولت بازار پنجاب کی 100 تحصیلوں میں قائم کیے جائیں گے۔منصوبے پر عملدرآمد کی آخری تاریخ 30 جون 2026 مقرر کی گئی ہے۔13 ارب روپے بجٹ میں اس مقصد کے لیے مختص کرنے کی تجویز ہے۔یہ بازار پرائس کنٹرول اینڈ کموڈیٹیز ڈیپارٹمنٹ کے تحت کام کریں گے۔
لاہور میں 15 نئے بازار:
لاہور میں سہولت بازاروں کا دائرہ مزید 15 علاقوں تک بڑھایا جائے گا، جن میں شامل ہیں:
شیر شاہ کالونی
سبزہ زار
ٹاؤنشپ
رائیونڈ
ہربنس پورہ
میاں پلازہ
وحدت کالونی
چائنہ سکیم
چوہنگ
ٹھوکر نیاز بیگ
وغیرہ۔
دیگر شہروں میں بھی سہولت بازار:
دیگر اضلاع اور تحصیلوں میں جہاں سہولت بازار قائم کیے جائیں گے، ان میں شامل ہیں:ڈی جی خان، بہاولپور، وہاڑی، لودھراں، لیہ، چکوال، فیصل آباد، سرگودھا، ٹوبہ ٹیک سنگھ
فاروق آباد، وزیرآباد، جڑانوالہ، بھلوال، چونیاں، پتوکی، منڈی بہاؤالدین، اوکاڑہ، نارووال، چنیوٹ، شرقپور، جہلم
مقصد:
حکومت کا مقصد مہنگائی سے متاثرہ طبقے کو ریلیف فراہم کرنا، اشیائے خورونوش کو کنٹرول ریٹس پر دستیاب بنانا، اور منظم طریقے سے پرائس مانیٹرنگ کو یقینی بنانا ہے۔
