پنجاب پولیس نے دارالحکومت لاہور سمیت صوبے کے مختلف شہروں میں مذہبی جماعت کے پُرتشدد مظاہرین کے خلاف کارروائی کی۔
پولیس کے مطابق چھاپوں کے دوران 2716 مظاہرین گرفتار کیے گئے، جن میں لاہور سے 251، گوجرانوالہ سے 135، شیخوپورہ سے 178، سیالکوٹ سے 128، گجرات سے 80، راولپنڈی سے 196، منڈی بہاالدین سے 210 افراد شامل ہیں۔گرفتار افراد کے خلاف پنجاب بھر کے تھانوں میں 76 مقدمات درج کیے گئے، جن میں لاہور میں 39 اور شیخوپورہ میں 8 مقدمات شامل ہیں۔
مظاہرین کی جانب سے کی گئی حملوں میں ایک پولیس انسپیکٹر شہید اور تقریباً 250 افسران و اہلکار زخمی ہوئے، لاہور میں سب سے زیادہ 142 اور شیخوپورہ میں 48 افسران زخمی ہوئے۔
پولیس کا کہنا ہے کہ یہ کارروائی پُرتشدد مظاہرین کی توڑ پھوڑ اور قانون کی خلاف ورزیوں کو روکنے کے لیے کی گئی۔
