قطر میں غیر ملکی سرمایہ کاروں کے لیے نئی سہولت

کم سرمایہ کاری پر ملکیت اور رہائش:

اب غیر ملکی سرمایہ کار صرف دو لاکھ ڈالر (تقریباً 7 لاکھ 30 ہزار قطری ریال) کی جائیداد خرید کر چند دنوں میں ملکیت (Title Deed) اور رہائشی اجازت نامہ حاصل کر سکتے ہیں۔یہ سہولت قطر کی رئیل اسٹیٹ مارکیٹ کو مضبوط کرنے اور بین الاقوامی سرمایہ کاری کو متوجہ کرنے کے لیے دی گئی ہے۔
سرکاری اعلان اور فورم:

ریئل اسٹیٹ ریگولیٹری اتھارٹی (RERA) کے چیئرمین انجینئر خالد بن احمد العبدلی نے کہا کہ یہ اسکیم تیسرے رئیل اسٹیٹ فورم میں باضابطہ متعارف کروائی جائے گی۔اس فورم کا انعقاد وزارت داخلہ، وزارت انصاف، وزارت محنت اور انویسٹمنٹ پروموشن ایجنسی کے تعاون سے ہوگا۔
نظام کی خصوصیات:

نیا نظام خرید و فروخت کے عمل کو تیز، شفاف اور مؤثر بنانے کے لیے تیار کیا گیا ہے۔تمام متعلقہ ادارے ایک متحدہ ڈیجیٹل پلیٹ فارم کے ذریعے کام کریں گے تاکہ جائیداد کے تمام مراحل چند دنوں میں مکمل ہو جائیں۔
اعلی سرمایہ کاری پر خصوصی مراعات:

غیر ملکی سرمایہ کار جو 10 لاکھ ڈالر (تقریباً 36.5 لاکھ قطری ریال) یا اس سے زیادہ کی سرمایہ کاری کریں، انہیں مستقل رہائش دی جائے گی۔مستقل رہائش میں صحت، تعلیم اور سرمایہ کاری کے خصوصی حقوق شامل ہوں گے۔
رجسٹریشن کی سہولتیں:

قطر دنیا میں رئیل اسٹیٹ رجسٹریشن کے عمل میں سب سے آگے ہے۔جائیداد کے دستاویزات 24 گھنٹوں سے بھی کم وقت میں جاری کیے جاتے ہیں۔رجسٹریشن فیس صرف 0.01 فیصد ہے، جو خطے میں سب سے کم ہے۔