پاکستان میں مہنگائی اور بے روزگاری میں کمی کا امکان ہے:آئی ایم ایف

رواں مالی سال جی ڈی پی گروتھ ہدف سے کم رہے گا‘ معاشی شرح نمو 3.6 فیصد رہنے کا امکان ہے: ورلڈ اکنامک آٹ لک رپورٹ جاری 
اسلام آباد (آئی این پی)آئی ایم ایف نے ورلڈ اکنامک آٹ لک رپورٹ جاری کر دی   جس میں کہا گیاہے کہ عالمی معیشت کو تجارتی و جغرافیائی سیاسی غیر یقینی کا سامنا ہے جبکہ پاکستان میں رواں مالی سال جی ڈی پی گروتھ ہدف سے کم رہنے کی پیش گوئی کی گئی ہے ۔آئی ایم ایف کی رپورٹ کے مطابق  پاکستان میں معاشی شرح نمو 3.6 فیصد رہنے کا امکان ہے، حکومت نے رواں مالی سال جی ڈی پی گروتھ ہدف 4.2 فیصد مقرر کر رکھا ہے ، پاکستان میں مہنگائی اور بے روزگاری میں کمی کا امکان ہے،  گزشتہ مالی سال پاکستان میں معاشی ترقی کی رفتار 2.7 فیصد تھی،  پاکستان میں رواں مالی سال بے روزگاری کم ہو کر 7.5 فیصد پرآنے کا تخمینہ ہے جبکہ گزشتہ مالی سال پاکستان میں بے روزگاری کی شرح 8 فیصد تھی۔پاکستان میں اس سال مہنگائی 6 فیصد تک محدود رہنے کا امکان ہے، رواں مالی سال حکومت کی جانب سے مہنگائی کا  ہدف 7.5 فیصد مقرر کیا گیا، گزشتہ مالی سال ملک میں مہنگائی کی شرح 4.5 فیصد تھی،  کرنٹ اکانٹ خسارہ جی ڈی پی کے 0.4 فیصد رہنے کا تخمینہ ہے ، اس سال کرنٹ اکانٹ خسارے کا حکومتی ہدف0.5  فیصد یا2.1 ارب ڈالر ہے ، گزشتہ مالی سال پاکستان کا کرنٹ اکانٹ 0.5 فیصد سرپلس تھا۔