مقبوضہ مغربی کنارے میں جنگ بندی کے باوجود اسرائیلی قابضین کی انتہا پسندی میں روز بروز اضافہ دیکھنے میں آ رہا ہے۔
گزشتہ جمعرات کو دیر استیہ میں ایک مسجد پر حملہ کیا گیا، جس کے نتیجے میں مسجد کو آگ لگائی گئی اور دیواروں پر نفرت انگیز نعرے لکھے گئے۔ خبر ایجنسی کے مطابق، اس واقعہ میں مسجد میں موجود تین قرآنِ پاک کے نسخے بھی شہید ہوئے، جو اس حملے کی شدت اور بے حسی کو ظاہر کرتا ہے۔اس کے باوجود، فلسطینیوں نے ہمت نہیں ہاری اور اپنی مدد آپ کے تحت مسجد کی صفائی کی۔ گزشتہ روز اسی مسجد میں مسلمانوں نے نمازِ جمعہ ادا کی اور دشمن کے خلاف اپنی مخالفت اور استقامت کا اظہار کیا۔ یہ عمل فلسطینی عوام کی مزاحمت اور اپنے مذہبی اقدار کے تحفظ کا مظہر ہے۔
اسرائیلی حملوں اور اشتعال انگیزیوں کی عالمی سطح پر بھی مذمت ہوئی ہے۔ اقوامِ متحدہ نے مغربی کنارے میں بڑھتی ہوئی حملوں کی سخت الفاظ میں مذمت کی ہے، جب کہ امریکی وزیرِ خارجہ مارکو روبیو نے بھی اسرائیلی اقدامات پر تشویش کا اظہار کیا ہے۔ انہوں نے کہا کہ یہ واقعات غزہ کے لیے جاری کوششوں کو متاثر کر سکتے ہیں، اور ان حملوں سے خطے میں امن کی کوششیں خطرے میں پڑ سکتی ہیں۔
یہ تازہ واقعات فلسطینی عوام کی مزاحمت، ان کے حوصلے اور عالمی برادری کی جانب سے جاری تشویش کا مظہر ہیں، جو ایک عرصے سے جاری کشیدگی اور ناانصافیوں کو ظاہر کرتے ہیں۔
