ویب ڈیسک:نومنتخب امریکی صدر ڈونلڈ ٹرمپ نے وزیر صحت کے طور پر رابرٹ ایف کینیڈی جونیئر کو نامزد کرنے کا اعلان کیا ہے۔
رابرٹ ایف کینیڈی جونیئر، جو خود امریکہ کے صدارتی انتخابات میں امیدوار تھے، آخری مراحل میں ٹرمپ کے حق میں دستبردار ہوگئے تھے۔ انہوں نے ری پبلکن رہنما کی انتخابی ریلیوں میں بھی خطاب کیا تھا۔یاد رہے کہ 2024 کے امریکی صدارتی انتخابات میں ڈونلڈ ٹرمپ کا مقابلہ ڈیموکریٹک پارٹی کی امیدوار کملا ہیرس سے تھا، اور ٹرمپ نے ایک بڑی کامیابی کے ساتھ انتخابات جیتے۔ڈونلڈ ٹرمپ کی حلف برداری کی تقریب اگلے سال جنوری میں ہوگی، جس کے بعد وہ باضابطہ طور پر امریکی صدر کے طور پر اپنے عہدے کا آغاز کریں گے۔ رابرٹ ایف کینیڈی جونیئر کی وزیر صحت کے طور پر نامزدگی اس بات کی نشاندہی کرتی ہے کہ ٹرمپ انتظامیہ مختلف سیاسی نظریات کو اپنے کابینہ میں شامل کر کے ملک میں صحت کی پالیسیوں کو مزید بہتر کرنے کی کوشش کرے گی۔
