پریمیئر لیگ کے اہم مقابلے میں مانچسٹر سٹی نے مانچسٹر یونائیٹڈ کو 0-1 سے شکست دے دی، تاہم ایرلنگ ہالینڈ کے فیصلہ کن گول پر ہونے والا VAR فیصلہ متنازع ہوگیا۔
اولڈ ٹریفورڈ میں کھیلے گئے میچ میں ہالینڈ نے 60ویں منٹ میں گیند جال میں پہنچائی، لیکن اسسٹنٹ ریفری نے انہیں آف سائیڈ قرار دے کر گول مسترد کردیا تھا۔بعد ازاں VAR جائزے میں ہالینڈ کو آن سائیڈ قرار دیا گیا اور گول منظور کرلیا گیا، جس کے نتیجے میں مانچسٹر سٹی نے اہم کامیابی حاصل کی۔ریفریوں کی تنظیم پرو ریف نے بعد میں VAR کے فیصلے کو ’غلطیِ رائے‘ قرار دیا۔ تنظیم کے مطابق سٹی کے کھلاڑی اینزو فرنانڈیز آف سائیڈ پوزیشن میں موجود تھے اور گیند کو ہیڈ کرنے کی کوشش کر رہے تھے، اس لیے ان کی پوزیشن کھیل پر اثرانداز ہوسکتی تھی۔
پرو ریف کے مطابق VAR کو اس معاملے میں فیلڈ ریویو کی سفارش کرنی چاہیے تھی۔ تنظیم نے مانچسٹر یونائیٹڈ سے رابطہ کرکے فیصلے پر وضاحت دی اور واقعے کا دوبارہ جائزہ لینے کا اعلان کیا۔مانچسٹر یونائیٹڈ کے ہیڈ کوچ مائیکل کیرک نے بھی فیصلے پر برہمی کا اظہار کرتے ہوئے کہا کہ اتنے افراد اور جدید ٹیکنالوجی کی موجودگی کے باوجود درست فیصلہ نہ ہونا سمجھ سے بالاتر ہے۔
