سہیل آفریدی اور علی امین میں اختلافات، حکومت نے ڈی آئی خان کے فنڈز روک لئے

ڈی آئی خان میں ترقیاتی منصوبوں میں 50 سے 60 کروڑ سے زائد کا کام مکمل ہو چکا ، جس کی رقم واجبات کی صورت میں موجود ہے
پشاور(آئی این پی ) پاکستان تحریک انصاف میں اندرونی اختلافات شدت اختیار کر گئے، خیبرپختونخوا حکومت نے سابق وزیراعلی علی امین گنڈاپور کے آبائی ضلع ڈیرہ اسماعیل خان کے ترقیاتی فنڈز روک دئیے۔میڈیارپورٹ کے مطابق خیبرپختونخوا کے وزیراعلی سہیل آفریدی اور سابق وزیراعلی علی امین گنڈاپور کے درمیان تعلقات گزشتہ کچھ عرصے سے کشیدہ ہیں، جبکہ علی امین گنڈاپور نے وزیراعلی سہیل آفریدی کا فون نمبر بھی بلاک کر رکھا ہے۔قومی اسمبلی کے رکن فیصل امین گنڈاپور نے ڈی آئی خان کے فنڈز روکے جانے کی تصدیق کرتے ہوئے بتایا کہ خیبرپختونخوا حکومت کی آخری ریلیز، جس کی مجموعی مالیت 43 ارب روپے تھی، میں ڈی آئی خان کو صرف 8 کروڑ روپے دئیے گئے۔فیصل امین گنڈاپور کا کہنا تھا  ڈی آئی خان میں جاری ترقیاتی منصوبوں میں 50 سے 60 کروڑ روپے سے زائد مالیت کا کام مکمل ہو چکا ہے، جس کی رقم واجبات کی صورت میں موجود ہے،