پیاز کاٹتے وقت آنسو روکنے کا سائنسی طریقہ دریافت
پیاز صدیوں سے کھانوں میں استعمال ہو رہی ہے، اور قدیم مصر میں اس کی عبادت بھی کی جاتی تھی۔ لیکن پیاز کاٹتے ہوئے اکثر لوگ آنسو بہانے پر مجبور ہو جاتے ہیں۔ اب امریکی کارنیل یونیورسٹی کے سائنسدانوں نے ایک ایسا طریقہ دریافت کیا ہے جس سے پیاز کاٹتے وقت رونا روکا جا سکتا ہے۔
تحقیق کے اہم نکات
پیاز کی تہوں میں موجود سلفر مرکبات آنکھوں تک پہنچ کر رونے پر مجبور کرتے ہیں۔تحقیق میں تیز رفتار کیمروں اور کمپیوٹر ماڈل کی مدد سے دیکھا گیا کہ جب چھری پیاز کے خلیات پر دباؤ ڈالتی ہے تو ننھی بوندیں خارج ہوتی ہیں، جو آنکھوں تک پہنچ کر آنسو پیدا کرتی ہیں۔یہ بوندیں 11 سے 89 میل فی گھنٹہ کی رفتار سے نکلتی ہیں۔
رونے سے بچنے کے طریقے
تیز دھار چھری کا استعمال کریں اور پیاز کو آہستگی سے کاٹیں۔کاٹنے سے پہلے پیاز پر تھوڑا سا تیل لگائیں تاکہ رونے والے مرکبات خارج نہ ہوں۔کند چھری اور تیز رفتار کا استعمال زیادہ بوندیں خارج کرتا ہے، اس لیے نرمی اور درست طریقہ اہم ہے۔تحقیق کے نتائج جرنل پروسیڈنگز آف دی نیشنل اکیڈمیز آف سائنس میں شائع ہوئے ہیں، اور یہ طریقے گھریلو استعمال میں بہت مفید ثابت ہو سکتے ہیں۔
