ضلع خیبر کی تحصیل جمرود میں 14 اگست کی خوشیوں کو ماتم میں تبدیل کرنے والا افسوسناک واقعہ پیش آیا ہے، جس میں رکشہ کے الٹنے سے چار افراد جاں بحق ہوگئے۔
واقعہ پاک افغان شاہراہ پر جمرود شاہ گئی کے مقام پر پیش آیا، جہاں چنگچی رکشہ بے قابو ہوکر الٹ گیا۔ حادثے کے نتیجے میں، موقع پر ہی چار افراد جاں بحق ہوگئے۔ریسکیو 1122 خیبر کے کنٹرول روم کو اطلاع ملتے ہی فورا ہی میڈیکل ٹیمیں موقع پر پہنچیں اور ریسکیو آپریشن شروع کیا۔ زخمیوں کو طبی امداد کے لیے قریبی ہسپتال منتقل کیا گیا، جہاں ضروری کارروائی کی گئی۔جاں بحق ہونے والوں میں سے ایک شخص کا نام محمد یاسین ولد محمد نصیر حال پشاور ہے، جب کہ دیگر کی شناخت جاری ہے۔ لاشوں کو جمرود سول ہسپتال منتقل کیا گیا ہے تاکہ ورثاء کو اطلاع دی جا سکے اور قانونی کارروائی مکمل کی جا سکے۔یہ افسوسناک حادثہ چودہ اگست کے ملی جوش و جذبے کے درمیان واقع ہوا، اور اس نے علاقہ میں غم و غصہ کی لہر دوڑا دی ہے۔ مقامی حکام اور ریسکیو ٹیمیں واقعہ کی تحقیقات کر رہی ہیں۔
