آسیب زدہ' فلیٹ جو تیسری بار نیلامی کے لیے پیش کر دیا گیا

چین (نیٹ نیوز)کیا  آپ ' آسیب زدہ' فلیٹ کو خریدنا پسند کریں گے جو مسلسل مارکیٹ میں فروخت کے لیے پیش کیا جا رہا ہے۔جی ہاں واقعی چین کے شہر چنگڈو میں ایسا ' آسیب زدہ' فلیٹ مسلسل نیلامی کے لیے پیش کیا جا رہا ہے۔اس فلیٹ میں کسی کی غیر فطری حالات میں موت واقع ہوئی تھی جس کے بعد اسے  آسیب زدہ قرار دیا گیا اور اسے یکم اپریل کو نیلامی کے لیے پیش کیا گیا۔یہ تیسری بار ہے جب اسے نیلامی کے لیے پیش کیا گیا اور اس کے لیے بولی 14 اپریل کو ہوگی۔اس فلیٹ کو اس سے قبل 2 بار نیلام کیا جاچکا ہے۔پہلی بار ایسا نومبر 2025 میں ہوا جبکہ دوسری بار جنوری 2026 میں ہوا جب اس کی بولی 2 لاکھ 66 ہزار یو آن سے شروع ہوئی تھی۔نومبر میں اس کی بولی 10 لاکھ جبکہ جنوری میں 9 لاکھ 66 ہزار یو آن تک پہنچی مگر دونوں بار نیلامی ناکام رہی۔اب تیسری بار اس کی بولی ایک لاکھ 66 ہزار یو آن سے شروع ہوگی۔چینی میڈیا کے مطابق یہ فلیٹ 89.7 اسکوائر میٹر رقبے پر پھیلا ہوا اور مکمل طور پر سجا ہوا ہے۔