36وکلاء کیخلاف توہین عدالت کی کارروائی ختم

اسلام آباد(خصوصی رپورٹ) اسلام آباد ہائیکورٹ نے 2021 کے  چیف جسٹس بلاک حملے کے کیس میں تمام 36 وکلاء  کے خلاف جاری توہین عدالت کی کارروائی ختم کر دی۔بدھ کوقائم مقام چیف جسٹس سرفراز ڈوگر نے 8 فروری 2021 کے ہائیکورٹ کے چیف جسٹس بلاک پر حملہ کیس کی سماعت کی۔مقدمے میں ملوث وکلاء کے بیان حلفی اسلام آباد ہائی کورٹ میں جمع کروائے گئے۔ وکلاء کی جانب سے ممبر اسلام آباد بار کونسل عادل عزیز قاضی، بابر اعوان اور بارایسوسی ایشن کے عہدیداران عدالت میں پیش ہوئے۔کیس میں سابق صدر ہائیکورٹ بار راجا زاہد سمیت دیگر وکلاء شامل تھے جبکہ سابق سیکرٹری تصدق حنیف کو عدالت پہلے ہی ڈسچارج کر چکی ہے۔